Kur hyjmë në shtëpi, ndër gjërat e para që ndiejmë është aroma dhe dëshira për të kuptuar nëse femrat e shtëpisë përdorin aromatizues apo jo.
Më poshtë, ne do t’ju sjellim disa mënyra të cilat mund t’i aplikoni për të pasur një shtëpi që të ketë aromë të mirë.
Përdorni qirinj të aromatizuar
Përveçse janë shumë estetikë, qirinjtë e aromatizuar e mbajnë aromën shumë gjatë. Duke i vendosur ato mbi tavolinë, aroma do të shpërndahet në çdo cep të shtëpisë.
Aromatikë me shkopinj druri
Sikurse edhe qirinjtë, edhe shkopinjtë e drurit janë shumë dekorativë dhe amromatizues gjithashtu. Është ideale kryesisht për sallonet, por edhe në dhomat e gjumit do dukej këndshëm.
Aromë prej sapunit
Nëse dalim për të kërkuar, aromat e sapunëve janë shumë të lehtë për t’u gjetur. Sapunët klasikë, me aromën e tyre pothuajse natyrale, sjellin shumë freski për shtëpinë tuaj.
Përdorni vajrat esencialë
Vajrat esencialë janë perfektë për t’u mbajtur në shtëpi. Në të shumtën e rasteve, shpërndarësit e aromave mund të jenë prej qeramike apo balte, të krijuara enkas për këtë qëllim.
Aromatikët elektrik
Për ato që pothuajse të gjithë kohën qëndrojnë jashtë shtëpise, aromatikët elektrikë janë idealë për të garantuar një aromë të këndshme.