Një grua e cila ka të shtruar në spitalin COVID 2 nënën e saj të infektuar me koronavirus thotë se gjatë kontaktit që ka pasur me të ëmën i ka thënë se nuk i japin as ujë. Ajo thotë se pacientja është e intubuar dhe tashmë nuk ka më informacion.
“Nëna më tha nuk më japin ujë dhe nuk më ndërrojnë. Edhe koordinatorët nuk dinë të sillen. Shumë keq situata. Vijnë shumë dhe vdesin shumë. Nuk janë ato shifrat që publikojnë. Ndërkohë që nuk kemi asnjë lloj informacioni”, u shpreh gruaja për Nevvs 24.
Ajo u shpreh gjithashtu se është bërë pishman që e ka sjellë nënën e saj në spital, ndërsa deklaron se i ka kërkuar mjekëve që ta marrë nënën në shtëpi.
“I thashë doktoreshës që ta marr nënën në shtëpi dhe të japë frymën e fundit”, thotë ajo.
Një ditë më parë, Ministria e Shëndetësisë bëri të ditur se në 24 orët e fundit e kanë humbur betejën me COVID, 4 qytetarë ndërsa janë regjistruar 133 raste të reja.