Kreu i KQZ-së Ilirjan Celibashi, teksa njoftonte të dhënat zyrtare të nxjerra nga procesi i zgjedhjeve, vendosi të jepte një përgjigje indirekte ndaj deklaratave të kryeministrit Edi Rama lidhur me votimin elektronik, të cilin e quajti një dështim spektakolar.
Ndër të tjera, ai i kërkoi falje të gjithë qytetarëve të cilët janë hasur me këtë problematik.
“Jemi në proces të gjithë mbledhjes së informacionit, gjithsecili mund të bëjë interpretimin e vet mbi faktin që flasim vetëm për 10 % të qendrave të votimit që kemi informacion që nuk ka funksionuar pajisja, edhe 10% e këtyre qendrave është se nuk kanë transmetuar informacion, ka mundësi që edhe në një pjesë të madhe mund të ketë funksionuar të gjitha apo kanë funksionuar pjesërisht, në momentin që do t’i kemi do të kuptojmë që është bërë procesi nëpërmjet tyre apo jo. Do doja ta riktheksoja që jemi duke diskutuar për këto numra dhe shifra që gjithsecili prej nesh bën vlerësimin e vet. Kryesisht kanë qenë në tiranë, visibiliteti ka qenë edhe më i madh.”