Kreu i Partisë Demokratike, Sali Berisha ka reaguar ashpër ndaj vendimit të grupit të Enkelejd Alibeajt për të braktisur negociatat për zgjedhjet lokale të 14 majit.
Kryedemokrati paralajmëroi se ata që prekin flamurin e PD, i kanë bërë hesapet shumë keq.
“Të sigurt se ai që prek flamurin e PD i ka bërë hesapet shumë keq, do e shihni në ditët e ardhshme”, theksoi Berisha.
Kjo deklaratë vjen në një kohë kur Grupi Parlamentar i PD njoftoi sot dështimin e bisedimeve me grupin e Berishës për të dalë me një kandidat të vetëm në zgjedhjet lokale.