Gjykata e Posaçme e ka shtyrë për datën 2 qershor përballjen për “shpifje” të Erion Veliajt kundër Sali Berishës.
Në seancën e kësaj të premteje për të cilën gjykata kishte urdhëruar shoqërim të detyrueshëm të Berishës, ish-kryeministri u përfaqësua nga avokatët Ivi Kaso e Ledio Nuraj.
Palët nuk kanë pranuar ta zgjidhin çështjen me pajtim. Berisha e ka akuzuar Veliajn se është politikani i vetëm shqiptar që ka lidhje me Iranin. Sipas tij, gjatë kohës që ai ka qenë kryeministër, Veliaj ka bërë udhëtime të herëpashershme me Teheranin.