Këtë të martë dështoi seanca për konstituimin e Kuvendit të ri të Kosovës. Deputetet e partive opozitare kanë kundërshtuar miratimin e raportit të komisionit verifikues të mandateve, duke sjellë ngërç politik.
Kreu i PDK-së, Memli Krasniqi sqaroi se këtë vendim e morën pasi qeveria nuk ka dhënë dorëheqjen. Tashmë i takon Presidentes të vendosë se si do të vazhdohet. Albin Kurti dorëzoi dorëheqjen si kryeministër, në mënyrë që të betohej si deputet. Ai ishte i vetmi që kishte marrë me vete dhe një flamur kombëtar shqiptar.
Kreu i Aleancës për Ardhmërinë e Kosovës, Ramush Haradinaj dhe ai i Nismës Socialdemokrate, Fatmir Limaj, nuk janë përshëndetur. Ata as kanë biseduar me njëri-tjetrin në sallën e Kuvendit të Kosovës. Këta të fundit hynë në koalicion parazgjedhor dhe morën 8 deputetë në zgjedhjet e 9 shkurtit.
Raportohet për një marrëveshje të mundshme mes Kurtit dhe kryetarit të Nismës, Fatmir Limaj për votimin e qeverisë. Flitet për një pakt mes Kurtit dhe Duda Balje që përfaqëson pakica boshnjake, por deputetja u pa shumë e afërt me kreun e PDK-së, Memli Krasniqi. Liderët e PDK-së dhe të LDK-së konsultohen me anëtarët e tyre partiakë, por që i kanë kthyer shpinën kreut të Vetëvendosjes. Mes tyre nuk ka patur ndonjë përshëndetje.