Një ngjarje e rëndë ka ndodhur pasditën e sotme në Mirditë. Një i ri është qëlluar me armë zjarri dhe është transportuar me urgjencë drejt Tiranës për shkak të gjendjes së tij të rënduar.
Frederik Leka 26-vjeç është qëlluar me armë zjarri mbrëmjen e sotme në Mirditë me 2 plumba. Burime nga vendngjarja bëjne me dije se i riu fillimisht është rrahur nga disa përsona e më pas është qëlluar me armëzjarri.
Grupi hetimor ka mbërritur në vendngjarje dhe po heton për zbulimin e shkaqeve dhe rrethanave të saj si dhe identifikimin e kapjen e autorëve.
Njoftimi i policisë:
Në vendin e quajtur”Rreth I Eperm” Mirditë, në rrethana ende të paqarta është plagosur me armë zjarri shtetasi F.L., 26 vjeç, i cili është transportuar në spitalin e Traumës,Tiranë.
Grupi hetimor po punon për zbardhjen e rrethanave të ngjarjes me qëllim identifikimin dhe kapjen e autorit/eve.
Shërbimet e Policisë të D.V.P. Lezhë, të Komisariatit të Policisë Mirditë, po krehin zonën si dhe janë ngritur pika kontrolli për kapjen e autorit/eve.