Nipi i Sepentes (Armand Naçit) ka zbuluar për emisionin ‘Pa Gjurmë’ në Report Tv se policia ka qenë në dijeni që prej vitit 2005 për groposjen e 2 shoqeve nga Arben Hoxha në dunat e Divjakës.
Ai ka dhënë detaje të reja për një person të tretë që donte të shpëtonte veten duke zbuluar detaje për 2 shoqet. Sipas të dhënave që ka siguruar emisioni ‘Pa gjurmë’, personi i tretë është identifikuar si Artan Begaj.
Nipi i Sepentes: Është arrestuar një person në 2005 me lëndë narkotike dhe ky personi ka thënë që: “Di që janë dy vajza të groposura në Divjakë”. Na ka ardhur policia pasi, ky ka thënë këtë deklaratën.
Kanë ardhur në 2005-2006. 20 makina e kanë shoqëruar dhe e kanë verifikuar që nuk ka lidhje personi me këtë ngjarje, xhaxhai im Sepentja. Keni përmendur dy familje, që pa u gjet kufoma, pa u gjet asnjë gjë del aty vrasja e dy personave.
Meqënëse ti je nipi i Sepentes, Sepentja çfarë lidhje ka patur me Arben Hoxhën?
Nipi i Sepentes: Sepentja ka qenë shok i ngushtë.
Shok i ngushtë me Arbenin?
Nipi i Sepentes: Po…
Se aty përmendet që ka qenë edhe një person i tretë që nuk dihet emri, për kë bëhet fjalë?
Nipi i Sepentes: Ky, për të shpëtuar veten se ishte policia tha do jap një informacion që në Divjakë janë dy vajza të varrosura që i ka varrosur Sepentja, pasi Ben Hoxha ishte vrarë, Arben Hoxha.
Ke të drejtë të bësh emisionin tënd, të hulumtosh, ta ngresh Divjakën në këmbë dhe nëqoftëse janë aty le t’i çojnë nga varri t’i fusin në burg.
Mua më intereson të di emrin e këtij personi të tretë, ky person që e paska dhënë këtë dëshmi në 2005 në polici.
Nipi i Sepentes: Po në 2005 është arrestuar me gjysëm kg heroinë.