Mëngjesin e sotëm u raportua se është arrestuar një 61-vjeçar i cili dyshohet se ka abuzuar me tre vajza të mitura.
Sipas Top Channel fëmijët kanë pasur shkëmbime me nipërit e të akuzuarit. Mësohet se ngacmimi ka filluar që para pesë viteve.
“Iu është dashur 10 ditë që të marrin rrëfimin e vajzave. Fëmijët kanë pasur shkëmbime me nipërit dhe shkonin shpesh në shtëpinë e tij dhe atje mendohet se kanë ndodhur edhe abuzimet. Ka qenë një 7 vjeçare që ka nisur rrëfimin për këtë abuzim dhe më pas kanë marrë forcë edhe dy vajzat e tjera. Dyshohet se ngacmimi ka nisur që para 5 vitesh”, raporton Top Channel.