I shpallur në kërkim pasi një ditë më parë vrau nnjë mace, ngjarje që u publikua dhe me video, Vlash Marku ka guxuar të sfidojë Policinë e Shtetit! Me biçikletë si është afruar në Bashkinë e Tiranës dhe ka vendosur një shishe me lëndë djegëse poshtë makinës në pronësi të Bashkisë Tiranë. Marku ka ndezur zjarrin, por duke qenë në një zonë të mbikëqyrur nga kamerat, ngjarja është pikasur shpejt dhe flakët janë shuar pa shkaktuar dëme materiale.
Por, autori është larguar. Për herë të dytë, ai u ka shpëtuar prangave të policisë. 47-vjeçari rezulton të ketë qenë i dënuar më herët për vrasje, në vitin 2007, por ka kryer dënimin dhe është liruar.