Klubi i Granadës do të kujtojë përgjithmonë ekipin e Teutës, sido që të shkojë ndeshja e të enjtes ndaj durrsakëve në Ligën e Europës. Kjo do të jetë përballja e parë europiane për skuadën spanjolle ndaj sigurisht që edhe kundërshtari do të jetë një emër për t’u kujtuar.
Por pakkush mes tifozve të klubit spanjoll njeh Teutën, ndaj vetë Granada ka menduar t’ua prezantojë atë nëpërmjet 10 kurioziteteve që ka përzgjedhur e publikuar në faqen e vet në internet si më poshtë:
- Klubi Sportiv Teuta është një klub në qytetin e Durrësit, i dyti më i madh në Shqipëri me 290000 banorë. Ndodhet vetëm 37 kilometra nga Tirana, kryeqyteti i vendit.
- Teuta ishte emri i mbretëreshës Ilire mes viteve 231 dhe 228 p.e.s. Kjo mbretëri përfshinte pjesën perëndimore të Gadishullit Ballkanik, një territor që aktualisht është i ndarë mes Shqipërisë, Bosnjës, Serbisë dhe Malit të Zi.
- Për shkak të karakterit të saj luftarak, ajo u pagëzua “Mbretëresha Pirate”. Nga fortesat portuale të Durrësit ajo drejtoi një flotë të rëndësishme që iu kundërvu grekëve dhe romakëve në Adriatik.
- KF Teuta ishte një nga klubet themeluese të kampionatit në Shqipëri. Ajo gjithmonë ka luajtur në kategorinë e parë nga 1930 deri më tani, përveç viteve 1959 dhe 1961.
- Ajo ishte kampione e Superligës shqiptare në sezonin 1993-94. Sezonin e kaluar fitoi Kupën e Shqipërisë për herë të katërt dhe më pas Superkupën kundër kampionëve të KF Tirana (2-1).
- Ajo aktualisht është renditur në vendin e 366 në klasifikimin e UEFA-s.
- Kjo është pjesëmarrja e saj e katërmbëdhjetë europiane (Kupa UEFA, Intertoto dhe Liga e Europës).
- Në formatin e Ligës së Europë, kjo është hera e parë që arrin në raundin e dytë kualifikues. Ata mundën Beitar Jeruzalem 2-0 në turin e parë.
- Stadiumi i tyre quhet “Niko Dovana” për nder të atij që atje e konsiderojnë si portierin më të mirë që kanë pasur në historinë e tyre, në vitet 1930. Sapo la futbollin, ai ishte gjithashtu një nga drejtuesit kryesore atje.
- Stadiumi është ndërtuar në vitin 1965 dhe ka një kapacitet për 12000 spektatorë