Shirat e rrëmbyeshëm që kanë përfshirë shtetin verilindor Pernambuco të Brazilit kanë lënë të vdekur rreth 34 persona.
Sakaq, qindra banorë u detyruan të linin shtëpitë e tyre. Presidenti brazilian Jair Bolsonaro po punon për të ngritur një task forcë federale, e cila do të dërgohet në Pernambuco.
Ai shprehu “dhimbjen dhe solidaritetin e tij për viktimat e kësaj fatkeqësie”, ndërsa shtoi se qeveria e tij do të bëjë gjithçka që është e mundur “për të lehtësuar vuajtjet”.
Përmbytjet e fuqishme e kanë goditur vendin për herë të katërt në 5 muaj.
