Dhuna ndaj kenianes në Tiranë, gazetarja: Në lojë është para e madhe, çfarë dinte vajza që u rrah?

Gazetarja e kronikës, Klodiana Lala ka reaguar për dhunimin barbar dhe më pas hedhjen nga ballkoni të Joy-t, 22-vjeçares nga Kenia, e cila punonte në një kazino në Tiranë.
Ngjarja ka ndodhur gjatë natës së 13 dhe 14 Gushtit, teksa Policia dhe Prokuroria e kanë mbajtur këtë ngjarje të fshehtë dhe reaguan vetëm pak ditë më parë, ndërsa vajza prej disa muajsh ndodhet në gjendje kritike dhe as nuk lëviz dot dhe as nuk flet.
Në një postim në rrjetet sociale, gazetarja dyshon se pas kësaj ngjarje fshihet lek i madh dhe se po heton rreth bosit të kazinosë. Klodiana Lala shtron pyetjen se çfarë dinte vajza që e dhunuan.
Reagimi i gazetares:
Një vajzë nga Kenia është dhunuar në mënyrë barbare 3 muaj më parë në Tiranë. Lajmi është mësuar vetëm pak ditë më parë dhe policia u njoftua me një reagim që ne thelb nuk thoshte asgjë.
Fakt është që e reja punonte në një kazino. Policia nuk ka bërë publike se në cilën kazino ishte punësuar vajza nga Kenia, në çfarë kushtesh punonte ajo? Kush është bosi i kazinosë? A po ndikon ai që çështja të mbyllet? Çfarë dinte vajza që e dhunuan? Pyetje që kërkojnë përgjigje…
A do mundet policia ta zbardhë këtë ngjarje? Mbetet për t’u parë. Sepse në lojë është para e madhe…
Unë po hetoj rreth bosit të kazinosë.