Dhunohet 23-vjeçarja në banesë në Shkodër/ Dy persona hyjnë në shtëpi, policia në kërkim të autorëve
Një 23-vjeçare është dhunuar fizikisht në banesën e saj në lagjen “Xhabije” në Shkodër, mbrëmjen e së dielës.
Sipas Policisë, ngjarja ka ndodhur rreth orës 22:20, kur dy persona ende të paidentifikuar dyshohet se kanë hyrë në banesën e 23-vjeçares me inicialet O. N. dhe e kanë dhunuar fizikisht.
E reja është transportuar në Spitalin Rajonal të Shkodrës, ku ndodhet nën kujdesin e mjekëve.
Ndërkohë, shërbimet e Policisë kanë nisur punën për identifikimin dhe kapjen e autorëve, ndërsa grupi hetimor po vijon veprimet për zbardhjen e plotë të rrethanave dhe motivit të ngjarjes.
Në njoftimin zyrtar, Policia bën me dije:
“Rreth orës 22:20, në lagjen ‘Xhabije’, dyshohet se 2 shtetas të paidentifikuar kanë hyrë në banesën e shtetases O. N., 23 vjeçe, dhe e kanë dhunuar fizikisht.
Shtetasja O. N. ndodhet në Spitalin Rajonal Shkodër, nën kujdesin e mjekëve.
Shërbimet e Policisë po punojnë për identifikimin dhe kapjen e autorëve.
Grupi hetimor po kryen veprimet për sqarimin e plotë të rrethanave të ngjarjes.”