Agjentët e Guardia di Finanza në Savona të Italisë kanë arrestuar sot tre shtetase italiane, punonjëse sociale në Varazze. Ato janë vënë në pranga për keqtrajtim dhe dhunë ndaj pacientëve, ndërkohë që këta të fundit ishin prekur nga Covid-19.
Hetimet përfunduan falë kamerave të vendosura në disa dhoma. Ato kanë dhunuar pacientët në forma të ndryshme, i kanë goditur me shuplaka, fyerje, kërcënime dhe mallkime.
Të moshuarit e pafuqishëm u kërcënuan gjithashtu se do të mbeteshin pa ushqim, madje edhe se do të lidheshin në shtrat ose do të rriheshin, vetëm për shkak se kishin kërkuar ndihmë.
Pamjet u bënë publike pas skandalit të djeshëm në Britaninë e Madhe ku një punonjëse e kujdesit shëndetësor abuzonte me një pensioniste.