Një 33-vjeçar ka përfunduar në prangat e policisë pasi ka dhunuar bashkëshorten e tij. Ndërkohë nga policia e Tiranës janë arrestuar dhe 3 të tjerë.
NJOFTIMI
Tiranë
Ushtroi dhunë fizike ndaj bashkëshortes, arrestohet në flagrancë 33-vjeçari.
Në pranga dhe 3 shtetas të tjerë, për vepra të ndryshme penale.
Nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit E.Z., 33 vjeç, pasi ka ushtruar dhunë fizike ndaj bashkëshortes së tij, në banesë.
Po nga specialistët për Hetimin e Krimit në Komisariatin e Policisë Nr.4, u bë arrestimi në flagrancë i shtetasit A.H., 46 vjeç, pasi ka goditur për shkak të detyrës, punonjësin e policisë private shtetasin J.L., 60 vjeç.
Specialistët e Qarkullimit Rrugor bënë arrestimin në flagrancë i shtetasve :
J.R., 45 vjeç, pasi në rrugën “Ali Demi”, u kap duke drejtuar motorrin në gjendje të dehur në masën 0.75mg/l;
E.C., 21 vjeç, pasi në rrugën “5 Maji” u kap duke drejtuar mjetin pa lejen përkatese.
Materialet i kaluan Prokurorisë së Rrethit Gjyqësor Tiranë, për veprime të mëtejshme.