Bashkëkryetarja e Komisionit të Posaçëm të Reformës Territoriale, Dhurata Çupi deklaroi se duhet të rritet numri i bashkive nga 61 që është aktualisht në 80.
Në një intervistë për “Euronews Albania”, Çupi u shpreh se qarku e ka humbur rolin e tij dhe në këto kushte duhet të reduktohet numri i tij.
“Ne kemi një projekt raport rreth 80 bashki. 12 qarqe janë shumë për vendin tonë, ose t’i japim fuqinë kushtetuese qarqeve ose t’i fillojmë t’i reduktojmë. Kam qenë e gatshme për bashkëpunim.
Mendoj se raporti që do të paraqitet nga deputetët e opozitës do të gjejë konsensusuin e të gjithë palëve opozitaree. Do të jetë një raport nga ekspertët, i mirë konsultuar sdhe që mbron interesat e qytetarëve shqiptarë”, theksoi ajo.
Komisioni i Posaçëm për Reformën Territoriale do e shtyjë afatin e punës deri në 30 shtator.