Në mediat ndërkombëtare flitet se Roman Abramovich është kthyer në një negociator potencial në konfliktin Rusi-Ukrainë. 55-vjeçari konsiderohet si një nga njerëzit më të pasur të Rusisë dhe besohet se është i afërt me presidentin rus, Vladimir Putin.
Zëdhënësi i miliarderit rus tha se Abramovich u kontaktua nga zyrtarët ukrainas për të ndërmjetësuar bisedimet mes palëve, shkruan BBC.
Vetëm disa ditë më parë Abramovich ka dorëzuar administrimin e klubit të futbollit Chelsea te administruesit e fondacionit të tij bamirës.
Abramovich është ende pronar i klubit, por administratorët e Fondacionit John Devine, Emma Hayes, Piara Poëar, Paul Ramos dhe Sir Hugh Robertson do të drejtojnë klubin së bashku me Granovskaia në mungesë të biznesmenit rus.