Prej një jave 80 burra të zonës kufitare Dibër-Maqedonia e Veriut janë vënë në kërkim të 18 vjeçarit Ardian Zabit Pali.

Ai ishte ngjtur në malin e Korabin së bashku me babain dhe banorë të tjerë të zonë, për të mbledhur bimë medicinale. Mësohet se i riu ka humbur çdo kontakt me të afërmit.

Familjarët kanë kërkuar ndihmën e autoriteteve shqiptare për të negocuar me palën maqedonase që kërkimet të vijojnë dhe në territorin e vendit fqinj por kjo nuk është mundësuar.

Banorët kanë shfrytëzuar terrenin e thyer dhe kanë vijuar kërkimet edhe në tokën maqedonase, por ato kërkojnë leje që kërkimet të shtrihen më gjërë dhe të ndihmojë edhe policia e ushtria.