Dibër: Dritan Jashari suprizohet në vendlindje

Në Pallatin e Kultures të qytetit të Peshkopisë, u zhvillua ceremonia e dekorimit të Dritan Jasharit, këngëtar i talentuar popullor, me titullin “Nderi i Kulturës Dibrane”, akorduar nga Këshilli Bashkiak Dibër.
Të pranishem në ceremoni qindra qytetarë, këngëtarë të njohur, të cilët, performuan këngë popullore për pjesemarrësit.
Aktiviteti u zhvillua në formë spektakli, me këngë e valle popullore. Më të bukur e bënë aktivitetin këngëtarët Nexhip Dida, Vera Laçi, Artan Kola, Perlat Shiqeri, Mendi Puci dhe Dritan Jashari.
Titullin e nderit këngëtarit Dritan Jashari ia dorëzoi Flamur Bulku, nënkryetar i Bashkisë Dibër. /tirananews.al/