Sot pasdite mbështetësit e Sali Berishës kanë përzgjedhur në Dibër si kandidat të tyre Premtim Kryemadhin, ish drejtues i arsimit gjatë qeverisjes së PD-së dhe specialist pranë Këshillit të Qarkut Dibër gjatë viteve të fundit.
Ai është bashkëshorti i prokurores së Dibrës Belina Zeneli (Kryemadhi).
Përfaqësues të ILD-së janë shprehur ditë më parë se prokurores Zeneli i janë gjetur shkelje të rënda të Kodit të Proçedurës Penale, pasi nuk ka ndërmarrë një sërë veprimesh hetimore dhe ka mbajtur pezull mbi 33 çështje, statusi i të cilave ishte ende i paqartë dhe nuk ka ndërmarrë asnjë veprim për mbi 300 kallëzime.
“Si pasojë e veprimeve dhe mosveprimeve të magjistrates, nuk i janë dhënë zgjidhje ligjore 33 proçedimeve penale, si dhe nuk është kryer asnjë veprim verifikimi në lidhje me 300 kallëzime,” thuhet në kërkesën e ILD për proçedim disiplinor.