Sot në qytetin e Peshkopisë është zhvilluar analiza e punës së administratës të Prefekturës Dibër për vitin 2021.
Në fjalën e tij Prefekti Nexhbedin Shehu tha se puna e kësaj administrate ka synuar t’u shërbejë në kohë dhe me cilësi qytetarëve. Po ashtu është bashkëpunuar ngushtë me bashkitë Dibër, Mat, Bulqizë e Dibër si dhe të gjitha drejtoritë vendore dhe rajonale në përballimin e pandemisë, realizimit të investimeve, mbrojtjen e mjedisit, etj.
Prefekti Shehu vlerësoi punën e kryer në nënprefekturat Mat e Bulqizë. Ai kërkoi angazhim edhe më të madh për këtë vit.
Zëvendësministri i Brendshëm Besfort Lamallari tha se puna e bërë nga ky institucion gjatë vitit 2021 shihet nga rezultatet, ndërsa kërkoi që të punohet akoma më shumë me ankesat e qytetarëve që të adresohen aty ku duhet dhe të ndiqen deri në zgjidhje. Zëvendësministri shtoi se qytetarët duhet të orjentohen më shumë drejt shërbimeve online pasi jo vetëm që fitojnë kohë, por edhe kanë më pak shpenzime.
