Elseid Hysaj duket se ka nisur zyrtarisht muajt e tij të fundit si futbollisti i Napolit. Mbrojtësi i përfaqësueses shqiptare, duket se nuk do të rinovojë me napolitanët, pasi preferon që të përfundojë kontratën e tij në korrik dhe të ketë mundësinë të bëjë vetë zgjedhjen për të ardhmen pa asnjë lloj preisoni apo pengese nga klubi. Një situate që e ka bërë të lakmuar për shumë klube të mëdhenj në Europë, sidomos në një periudhë kur të gjthë po mundohen të ulin shpenzimet për shkak të krizës që u shkaktoi pandemia.
Menaxheri i Hysajt, Mario Xhiufredi, e ka bërë të qartë se për momentin dëshira e Hysajt është të mos rinovojë. “Unë mendoj se me 60% ai nuk do të rinovjë e me 40% jemi në lojë”, theksoi Xhiufredi në një emsion radiofonik sot duke folur për mbrojtësin shqiptar.
Por edhe nëse largohet nga Napoli, për Hysajn janë hapur skenarë mjaft interesantë. Dy ditë më parë ishte OIlimpik Marseja që kishte shfaqur interes për të, sipas mediave franceze. Ndërsa sot, në Spanjë është përhapur lajmi se Hysjan e kërkon përsëri Atletiko Madrid që kryeson La Liga. Futbollisti shqiptar kishte qenë një nga alternativat e preferuara nga Diego Simeone edhe në vitet e kaluara, por ai u desh të kënaqej me Kieran Tripier. Megjithatë, problemet e këtij të fundit apo dëmtimet e Vrsajlkos, kanë bërë që Atletiko të hedhë sytë përsëri nga futbollisti shqiptar.
Për momentin nuk bëhet fjalë për një lëvizje në janar, por në muajin korrik, kur Hysaj të jetë futbollist i lirë, pasi Atletiko është gati ta presë krahëhapur me parametër zero. Bisedimet kanë filluar që dy vite më parë në fakt dhe pritet të konkretizohen më shumë duke filluar nga muaji i ardhshëm.