Diellza Kolgeci është në muajt e fundit të pritjes së ëmbël dhe përveçse po i shijon shumë këto ditë, po kujdeset më së miri edhe për trupin e saj. Modelja e njohur tashmë është në muajin e 8-të dhe megjithatë nuk është shkëputur nga palestra. Diellza ka publikuar në rrjete sociale një foto në të cilën tregon se po vazhdon të ushtrohet fizikisht në palestër. Ajo ka pozuar përpara një pasqyre ku dallohet barku i rrumbullakosur dhe përkrah fotos ka shkruar: “Po, 8 muaj e 2 ditë”.
Duket qartë se Diellza nuk ka fituar shumë kilogramë për shkak të shtatzënisë dhe ushtrimet fizike duhet ta kenë ndihmuar shumë. Nëse mund të mendoni se një grua shtatzënë nuk duhet të stërvitet, e keni gabim, sepse dhe mjekët thonë se ushtrimet fizike gjatë pritjes së ëmbël kanë shumë benefite. Kujtojmë se Diellza Kolgeci pret të sjellë në jetë një vajzë, e cila është fryt i dashurisë së saj me basketbollistin Fisnik Rugova.
