Dy automjetet e bashkëshortit të administratores së Ujësjellësit të Matit, Fran Kalthi janë djegur gjatë orëve të natës.
Ngjarja ka ndodhur pranë banesës së tij, ndërkohë që Gjelina, bashkëshortja e tij është shprehur se nuk kanë asnjë konflikt.
E pyetur nga tirananews.al Gjelina, e cila është dhe kryetare e PD-së në njësinë administrative Ulëz, u shpreh se nuk ka konflikt me askend dhe se autoret duhet te jene vendas. Policia sipas saj ka mberritur me vonese ne vendin e ngjarjes ndersa zjarrfiksja nuk mundi ti shuaje flaket.
NJOFTIMI I POLICISE
Informacion paraprak
Në datën 07.06.2019, rreth orës 02:40, është marrë njoftim se në Ulëz, janë djegur pjesërisht dy automjete, në pronësi të shtetasit F.K. të parkuara pranë banesës së tij.
Në vendngjarje ndodhet grupi hetimor i cili po punon për sqarimin e rrethanave dhe zbardhjen e plotë të kësaj ngjarje.