Një makinë tip “BMW X5” është përfshirë nga flakët gjatë mesnatës, në qytetin e Vlorës.
Policia sqaron se ngjarja ka ndodhur në lagjen “24 Maji”, dhe mjeti ishte në pronësi të shtetasit Andi Selmanaj.
Ende nuk dihet nëse kemi të bëjmë me zjarrvënie të qëllimshme apo jo.
“Rreth orës 00:00, në lagjen “24 Maji”, Vlorë, ka rënë zjarr dhe është djegur një automjet tip “BMW X5”, në pronësi të shtetasit A. S, banues në Vlorë.Grupi hetimor po punon për zbardhjen e rrethanave të ngjarjes dhe shkakut të rënies së zjarrit.”, thuhet në njoftimin e policisë.