Një automjet është përfshirë nga zjarri pasditen e sotme. Ngjarja ka ndodhur te zona e Brrylit në kryeqytet.
“Më datë 06.07.2020, rreth orës 19:20, tek Brryli, si pasojë e një defekti teknik në pjesën e motorrit ka marrë flakë në ecje mjeti me drejtuese shtetasen B.K., ku ka vetëm dëme materiale” njoftoi policia.
Shërbimi zjarrfikës i mbërritur në vendngjarje ka bërë të mundur shuarjen e flakëve në mjet.