Këtë të mërkurë, protesta e studentëve të mjekësisë është zhvendosur përballë Ministrisë së Arsimit. Teksa e kanë bërë të qartë se vetëm anulimi i ligjit do t’i kthente në auditorë, studentët kanë nisur të gjuajnë me vezë drejt godinës së ministrisë së Arsimit.
Revolta e studentëve duket se është shtuar edhe pas bërjes publike të tarifës prej 240 mijë lekësh që do u duhet të paguajnë në vit. Po ashtu ata kanë djegur edhe një manekin i veshur me uniformën e mjekut.
Përballa godinës së ministrisë ku po mbahet protesta janë ndezur flakadanë, ndërsa të pranishme janë forca të shumta policore. Qarkullimi i automjeteve në këtë zonë të kryeqytetit është bllokuar.