Një automjet tip “Mercedes-Benz” është djegur nga flakët rreth orës 01:12 të natës së kaluar. Ngjarja ka ndoodhur në lagjen “Astane”, fshati Kotë, Vlorë.
Burime të policisë bëjnë me dije se është djegur plotësisht automjeti tip “Mercedes-Benz”, në pronësi të shtetasit K. N., i cili ndodhej në garazh.
Deri më tani nuk janë përcaktuar shkaqet e zjarrit, ndërsa policia sqaron se po punohet për të zbardhur të plotë këtë ngjarje.
Njoftimi i policisë:
Vlorë – Më datë 18.05.2022, rreth orës 01:12, në lagjen “Astane”, fshati Kotë, Vlorë, ka marrë flakë dhe është djegur plotësisht automjeti tip “Mercedes-Benz”, në pronësi të shtetasit K. N., i cili ndodhej në garazh.
Grupi hetimor ndodhet në vendngjarje dhe po punon për përcaktimin e shkaqeve të rënies së zjarrit.