PERDITESUAR/ Kati i tretë i një pallati u përfshi nga flakët mëngjesin e sotëm në Fushë Krujë, ku mbetën të asfiksuar katër fëmijë.
Fatmirësisht të vegjëlit u nxorrën nga një banor i pallatit dhe janë dërguar në spital jashtë rrezikut për jetën.
Policia në informacionin paraprak thotë se ka pasur vetëm dëme materiale duke i djegur i gjithë kati i tretë. Zjarrfikëset bënë të mundur shuarjen e flakëve, si dhe evakuimin e banorëve.
Fqinji i familjes që nxori fëmijët nga flakët tha se kishte parë tym që në orën 07.00 të mëngjesit dhe kur kishte shkuar i kishte parë fëmijët të shtrirë në tokë nga frika e flakëve.
NJOFTIMI I PLOTE
Fushë – Krujë
Informacion paraprak
Më datë 14.09.2019, në Fushë – Krujë, tek ish kooperativa “Partizani” ka rënë zjarr ne katin e tretë të një pallati, kati i fundit i banimit.
Me të marrë njoftim menjëherë në vendngjarje kanë shkuar Efektivet e Policisë dhe Forcat Zjarrfikëse, të cilat kanë bërë të mundur evakuimin e banorëve dhe fikjen e zjarrit.
Për pasojë janë shkaktuar dëme materiale ku është djegur kati i tretë.
Grupi hetimor po punon për evidentimin e shkakut të zjarrit.