Presidenti i MRB, Dimitris Mavros, ka komentuar mbi rezultatet e zgjedhjeve dhe ka ofruar një analizë të përgjithshme për pritshmëritë e tij lidhur me zhvillimet politike në vend. Ai e cilëson rezultatin aktual si një “triumf” të Kryeministrit Edi Rama, duke theksuar se ky rezultat pasqyron mbështetje të madhe për liderin socialist.
Mavros theksoi se fitore e Ramës është e qartë, por në të njëjtën kohë, duhet analizuar më thellë numri i përgjithshëm i votuesve dhe ndikimi i mungesës së pjesëmarrësve ose abstenimeve. Ai nënvizoi se kjo është një çështje e rëndësishme që ndikon në rezultatin përfundimtar,” tha ai.
Sipas tij, Shqipëria jugore ka pasur një përqindje të lartë të abstenimit, ndërsa rajonet e tjera si Elbasani dhe Durrësi tregojnë një pjesëmarrje më të ulët, gjë që kërkon më shumë analizë për të kuptuar shkaqet.
“Kemi një trumf të Ramës. E dyta duhet të diskutojmë lidhur me numrin e përgjithshëm të votuesve, këtu përfshihen edhe nivelet e mungesës së votuesve apo abstenimeve. Tjetër çështje është se cfarë lloj pritshmërie dalin tashmë për këtë qeveri të re edhe për partitë e vogla, tani topi është në fushën e partive të vogla dhe PD-së.
Ka vende në Fier ku fitorja është shumë e madhe dhe është një nën triumf, duhet analizuar se cfarë ndodh në këto rajone.
Shqipëria qendrore si Elbasani dhe Durrësi tregojnë numrin më të ulët të votuesve në pjesëmarrje, pse reagohet në këtë mënyrë, ndërsa me Tiranën nuk ndodh kjo.
Shqipëria jugore ka një përqindje të lartë të mungesës së numrit të votuesve. Tjetra që lidhet me përpjeket e ramës është dallimi mes dy partive. Kishim një zhvillim të përqindjeve lidhur me ramën që ngjiteshin dhe kishim ndjesinë që ai do të dilte mbi 50% , ndoshta dhe më lart.
Tjetra është se ka disa pyetje në gjetjet tona që tregonin se përqindjet e ramës duhet të shkonin në nivele të larta”, tha ai.
Mavros gjithashtu komentoi mbi strukturën e mbështetjes për Partinë Socialiste, duke thënë se, “Popullariteti i Ramës ishte 52.4%, ndërsa qëllimi për votimin për PS ishte 51.1%. Ky është një rezultat i lartë që tregon se struktura është aty dhe i japin triumf Ramës.”
Megjithatë, ai theksoi se ky rezultat mund të krijojë presion të madh për qeverinë e re. “Ky është mesazhi i rrezikshëm për Ramën,” theksoi Mavros. “Votuesit kanë bërë detyrën e tyre, tani është radha e Ramës që të përmbushë pritshmëritë e tyre. Për katër vitet e ardhshme, njerëzit do të kenë kërkesa dhe pritshmëri të menjëhershme,” përfundoi ai.