Departamenti Amerikan i Shtetit ka bërë me dije se do të ndalojë së shkruari fjalën Turqi dhe në vend të kësaj do ta quajë vendin Türkiye, duke rënë dakord me një kërkesë të qeverisë turke, e cila nuk do që emri të asociohet me shpendët në gjuhën angleze (turkey, gjel deti).
Në një deklaratë që njoftonte masat për të penguar financuesit e grupit të Shtetit Islamik, Departamenti i Shtetit shkroi për veprim të përbashkët midis “Shteteve të Bashkuara dhe Turqisë”, duke ia shkruar emrin “Türkiye”.
“Ambasada turke kërkoi që ne ta përdorim këtë drejtshkrim në komunikimet tona”, tha zëdhënësi i departamentit të shtetit, Ned Price.