Pas incidentit të ndodhur në Qendrën Spitalore Universitare “Nënë Tereza”, një pjesë e urgjencave dhe ndërhyrjeve janë transferuar në Spitalin e Traumës ku çdo ditë paraqiten mesatarisht mbi 200 urgjenca.
Shërbimet e QSUT-së që aktualisht janë transferuar tek Trauma janë kirurgjitë abdonimale dhe hemorragjitë gastrointestinale.
Për të shmangur çdo sorollatje të qytetarëve, ka një koordinim mes Urgjencës Kombëtare dhe Spitaleve Rajonale.
Gjithashtu edhe në Spitalin Universitar “Shefqet Ndroqi” janë transferuar një pjesë e urgjencave dhe ndërhyrjeve. Sipas Ministrisë së Shëndetësisë shumë shpejt spitali i ri në QSUT do t’i kthehet normalitetit pas incidentit të 11 Shkurtit.