Nisja e kualifikuesve të Holandës në Botërorin 2022 më një hunbje ndaj Turqisë ka qenë padyshim rezultati që pakkush priste. Ekipi kishte shfaqur një lojë shumë të mirë nën drejtimin e Ronald Kuman në të kaluarën dhe mendohej se po kthehej aty ku shpresonin tifozët e këtij ekipi. Por me ardhjen e Frank De Bur në pankinë, situate duket se ka ndryshuar dhe ekipi nuk arrin të shfaqet në nivelet që kërkohet.
Për më tepër, pas sfidës tekniku e ka cilësuar këtë humbje 4-2 si diçka normale që mund të kalohet dhe nuk ka pse të dëshpërohet askush për një gjë të tillë.
“Kemi pësuar një humbje të shëmtuar, por çfarë të bëj tani? Të ulem e të qaj këtu?”, ishte përgjigja e tij ndaj gazetarëve pas sfidës, kur u pyet se si ishte i mundur ky transformim i Holandës.
“Në pjesën e parë kemi mbajtur shumë topin, por kemi bërë edhe shumë gabime gjithashtu. Kjo ishte vetëm ndeshja e parë, mungojnë edhe 9 të tjera. Duhet të drejtojmë shpinën dhe të bëjmë të mundur që të mos humbasim pikë të tjera”, tha trajneri i Holandës.