Rreth 150 persona janë arrestuar në Francë, gjatë natës së dytë të trazirave e protestave të shkaktuara pasi policia qëlloi për vdekje një 17-vjeçar i cili nuk iu bind urdhrit të policisë për të ndaluar.
Nahel M u qëllua në distancë, pasi ai refuzoi ndalimin e makinës dhe u largua. Pas kësaj ngjarje të rëndë, mijëra francezë kanë protestuar. Stacionet e policisë, oficerët dhe makinat u vunë në shënjestër të demonstruesve të dhunshëm gjatë natës.
Ai ndërroi jetë si pasojë e plagëve të plumbave në gjoks, paçka ndihmës së urgjencës. Oficeri i akuzuar se e qëlloi është arrestuar me akuzën e vrasjes. Policia fillimisht tha se adoleshenti e drejtoi makinën e tij drejt tyre me qëllim që t’i lëndonte.