Kryebashkiaku i Kamzës, Rakip Suli u paraqit këtë të hënë në ambientet e SPAK-ut. Vetë Suli iu drejtua gazetarëve të pranishëm duke i thënë: “Ditë e bukur sot!”.
Ai është kallëzuar nga banorët e Kamzës për shkelje dhe për korrupsion. Kallëzimi është depozituar nga avokatja Adriana Kalaja, e cila ka raportuar se në SPAK kanë dorëzuar auditimin e KLSH, ku janë konstatuar shumë shkelje.
SPAK ka regjistruar procedimin penal për akuzat “Ushtrim i ndikimit të paligjshëm ndaj personave që ushtrojnë funksione publike”, “shpërdorimi i detyrës”, “shkelja e barazisë së pjesëmarrësve në tendera apo ankande publike” dhe “korrupsioni pasiv i personave që ushtrojnë funksione publike”.