Sipas MeteoAlb, dita e sotme do të karakterizohet nga moti i kthjellët dhe i qëndrueshëm në të gjithë territorin e Shqipërisë.
Temperaturat minimale do të luhaten nga 18°C në zonat malore deri në 21–22°C në ultësirën perëndimore dhe zonat bregdetare.
Temperaturat maksimale pritet të ngjiten deri në 34°C në zonat e thella të jugut dhe veriut të vendit, ndërsa në bregdetin Adriatik dhe Jon temperaturat do të arrijnë rreth 28–30°C.
Era do të fryjë e lehtë deri mesatare nga drejtimi verilindor me shpejtësi 10–25 km/h, herë pas here mund të ketë shtim të përkohshëm të intensitetit në zonat bregdetare.