Kjo e martë do të shënojë zhvillime të rëndësishme në politikën shqiptare pasi për pak orë, pritet ardhja e negociatorit të PPE-së, David McAllister, i cili do të tentojë të ndërmjetësojë zgjidhjen e krizës politike.
Në këtë kuadër, ambasadori i SHBA-ve Donald Lu ka shkuar për vizitë në kryesinë e kuvendit, ku e ka pritur Ilir Meta.
Takimi vjen pak orë para zbarkimit të negociatorëve të BE-së, të cilët vijnë me një platformë për të zgjidhur krizën politike.
Palët janë ende larg mes tyre dhe sot do të vendoset nëse ata do “të afrohen” pranë një zgjidhje, apo do të qëndrojnë larg në pole të kundërta. /TiranaNews/