Në fillim të muajit mars, Jonida Maliqi publikoi videoklipin zyrtar të këngës, me të cilën do të përfaqësojë Shqipërinë në “Eurovision”. Përveç performancës së shkëlqyer të Jonidës, të gjithëve u tërhoqi vëmendjen pjesëmarrja e djalit të dy balerinëve të njohur, Enada Hoxha dhe Gerd Vaso.
Roani është imazhi kryesor në klip, i cili pasqyron fenomenin e emigracionit. Ditën e sotme e ftuar në emisionin “Ftesë në 5”, Enada Hoxha ka treguar se përfshirja e tij ishte rastësi. Ajo ka treguar se Roani ka përfituar shumë nga jetesa me dy prindër artistë, sepse i ka shërbyer në aktivitetet në të cilat merr pjesë. Përsa i përket videoklipit të Jonida Maliqit ajo tha se e zgjodhi vetë, sepse do e kishte shumë më të lehtë punën me të. “Roani u fut tepër rastësisht. Mua m’u kërkua një djalë për të qenë në klip dhe unë thashë sa t’ja kërkojë dikijt si nder marr djalin tim dhe mbaroj punë më shpejt. Nuk ishte diçka që e kisha planifikuar”, tregoi Enada. Më tej ajo ka shtuar se ka shumë dëshirë që djali i saj të bëhet pjesë e fushës së artit, por ai nuk e ka me shumë pasion. Kujtojmë se Roani është djali i vetëm i çiftit të njohur të balerinëve, Enada dhe Gerd Vaso
