Djali i Remzi Hoxhës, Ardiani ka rrëfyer takimin e nënës së tij me vjehrrin e Sali Berishës që i dha shpresë që babai i tij ishte gjallë. I ftuar në emisionin “Repolitix”, Hoxha tha se në vitin e parë të zhdukjes të të atit, kishin marrë shenja se ai ishte ende gjallë. Mw pas ai shton se ndwr vite kanw rwnw pre e mashtrimeve, ku tregoi se njëherë i kishin premtuar eshtrat e Remziut në këmbim me 30 mijë euro. Por sipas Ardian Hoxhës, ata morën 15 mijë euro në fillim, dhe më pas sollën eshtrat e qenve dhe jo të biznesmenit.
“Nëna ime përmes disa miqve, pa i lajmëruar që është gruaja e Remzi Hoxhës, shkojnë te shtëpia e vjehrrit të Sali Berishës dhe pasi prezantohet i thotë “Remziu është mirë, fëmijët le të vazhdojnë shkollën”. Kjo ka ndodhur në vitin e parë. Kjo ishte një garanci që ai ishte gjallë, ishin fjalë shumë shpresdhënëse. Kemi rwnw pre e mashtrimeve. Një grup tjetër i thoshte na jep 30 mijë dollarë që të sjellim eshtrat. I marrim eshtrat dhe rezultuan se ato janë të qenëve,”- tha Hoxha.
Gjithashtu ai shtoi se edhe vrasja e gazetarit Ali Uka në Kosovë ka lidhje me zhdukjen e babait të tij, Remzi Hoxhës, pasi ai kishte rënë në kontakt me detaje të reja.
Ali Uka ka qenë një gazetar nga Kosova, një djalë i ri dhe babai im ka qenë dera kryesore ku të gjithë që vinin nga Kosova trokisnin, qoftë për strehim, për ndonjë ndihmë, punësim, për gjithçka. Ali Uka ka qenë një djalë shumë i zoti, edhe pse në dukje nuk e jepte këtë përshtypje dhe nga dëshmitë të miqve të babait, tregojnë që kanë kaluar shumë kohë bashkë dhe duke qenë se ishte gazetar kishte rënë në gjurmë rreth informacioneve të zhdukjes së babait tim dhe thuhet se një nga arsyet se përse edhe atij ia kanë montuar vrasjen lidhet me informacionet që ka pasur për babain tim, që të mos dalë e vërtetë,”-shtoi ai.