Ditën e sotme gëzimi i parë i moderatores së njohur, Julka Gramo, djali i saj Ian feston 8-vjetorin e lindjes. Në këtë ditë të shënuar nuk mund të mungonte një dedikim i veçantë nga ana e moderatores së njohur. Siç duket për këtë vit ata nuk kanë mundur të festojnë ditëlindjen e tij, për shkak të problemeve shëndetësore të zakonshme për fëmijët. Për këtë arsye në urimin e saj bashkangjitur një fotoje të djalit ajo ka uruar vetëm shëndet. “Ato urimet e mëdha kam gjithë jetën përpara për t’i bërë dashuria ime por, këtë vit vallahi shumë shëndet të uroj, imunitet sa më të fortë e sa më pak viroza se na lanë pa festuar qelbësirat. Ti e di se sa pafund të dua se ta them e shpreh çdo ditë aq sa më duket se të marr frymën. Gëzuar ditëlindjen shpirt”, – ka shkruar moderatorja.
Julka Gramo ka dhe një djalë tjetër më të vogël, Greg, dhe me të dy fëmijët ka treguar se ka një lidhje shumë të ngushtë. Moderatorja publikon shpesh në ‘Instagram’ momente të ndryshme familjare me dy djemtë dhe bashkëshortin, të cilat duken vërtet shumë të këndshme
