Disa orë pasi la Presidencën pas mbarimit të mandatit, Ilir Meta rikthehet në fushën pa doreza të opozitës.
Lëvizja Socialiste për Integrim mban sot Konventën Kombëtare, një event i rëndësishëm politik për këtë parti, që rikthen në politikën aktive Ilir Metën.
Konventa e LSI do të jetë politike, dhe jo zgjedhore. Fjalime do të mbajnë përveç Metës, edhe figurat qendrore të kësaj force politike. Pas saj, pritet që të zhvillohen zgjedhjet që do të ngjisin sërish në krye themeluesin e kësaj force politike, që Ilir Meta mund t’i ndryshojë edhe emrin.