Kryeministri Edi Rama është shprehur se Sali Berisha dhe Lulzim Basha po i thonë njëri-tjetrit ato gjëra që PS ua ka thënë vite më parë.
Komentet Rama i bëri gjatë një takimi me disa qytetarë në Durrës në kuadër të nismës Këshillimi Kombëtar.
“E keni dëgjuar që Saliu i thotë Lulit ato që ia kemi thënë ne. Luli i thotë Saliut ato që ia kemi thënë ne. Të dy ata po thonë të vërtetën për njëri-tjetrin, do të thotë që ne kemi thënë të vërtetën për të dy. Pse po e thonë të vërtetën tani? Mos më përmendni faktin që jam i Durrësit, këtu është dhe fushatë.
Pse janë duke thënë të vërtetën. Sikur ky kandidati që kanë këtu, nesër do i dali ndryshe, do i thonë atë që i thonë sot. Dje ishte Luli i babës vetë, sot është Lul Brava. Që këtu ka mbaruar për mua. Të jesh në Durrës dhe të kesh mundësi që të zgjedhës mes tre vetave, ku dy janë burra. Do shkosh do zgjedhësh gruan. Për çfarë t’i zgjedhësh ata, që të dëgjosh nesër kush është dryni e kush është brava”, tha Rama.