Djegia e madatave, Qeveria: Kuvendi është legjitim dhe pa opozitën

Mazhoranca thotë se do të vijojë veprimtarinë parlamentare ndonëse opozita ka vendosur djegien e mandatave. Ka qenë deputetja Klotilda Ferhati, anëtare e komisionit parlamentar të Ligjeve e cila në studion e RTV Ora News ka pohuar se ”Kuvendi është legjitim, ka aq deputetë sa duhen për vendimmarrje”. Sipas znj.Ferhati, vendimi i opozitës është një vendim aspak i arsyeshëm por nuk pengon punën normale të parlamentit, të paktën për 80% të veprimtarisë së tij. Sipas saj, i vetmi moment kur dorëzimi i mandateve mund të dëmtojë veprimtarinë parlamentare vetëm për ligje të cilat kërkojnë shumicë të theksuar, pra 3/5. Sipas saj, Partia Socialiste ka numrin e nevojshëm të deputetëve në kuvend për të siguruar kuorumin e nevojshëm për mbledhje në komisione dhe seanca. Sipas saj, nuk është momenti për qeveri kalimtare sepse ky parlament dhe kjo qeveri janë produkt i zgjedhjeve të shkuara të cilat u administruan nga të dy palët. Pushteti merret me votë dhe nuk merret në tavolinë, nënvizoi ajo.