Ish-presidenti i Republikës, Bamir Topi ka komentuar situatën politike në vend si dhe djegien e mandateve nga opozita.
I ftuar në studion e lajmeve në “Oranews”, Topi tha se djegia e mandateve është një veprim ekstrem i opozitës, por gjithashtu ka theksuar se ata kanë qenë të detyruar, ndërsa shton se kjo sot është një politikë që duhet ta mbyllë ciklin e vet.
“Duke pasur një inerci nga detyra që kam kryer më duket një veprim ekstrem i opozitës për të dorëzuar mandatet. Në një farë mënyre edhe kanë qenë të detyruar për të marrë këtë vendim ekstrem. Sepse kjo sot është një politikë që patjetër duhet ta mbyllë ciklin e vet. Nuk është një politikë perëndimore. Rama nuk ka prishur marrëdhëniet vetëm me opozitën parlamentare, por ka prishur marrëdhëniet në shumë drejtime dhe duket që ende nuk e ka ndalur turravrapin e tij”, tha Topi.