Paris Hilton u tregua e sinqertë se pse ajo dhe bashkëshorti Carter Reum vendosën të sillnin në jetë një fëmijë me nënë surrogate. Gjatë premierës së sezonit 2 të “Paris in Love”, Paris Hilton tha se kishte dëshirë ta përjetonte shtatzëninë, por në përfundim zgjodhi një mënyrë tjetër.
“Ishte një vendim i vështirë për t’u marrë,” tha ajo, për People. “Do të më pëlqente përvoja e rritjes së foshnjës në barkun tim dhe ndjesia e goditjeve dhe të gjitha atyre momenteve emocionuese, por jeta ime ka qenë kaq publike. Pra, edhe pse foshnja është biologjikisht e imja dhe e Carter-it, ne vendosëm që ta sjellim me një nënë surrogate.”
Hilton dhe Reum mirëpritën ardhjen e djalit Phoenix janarin e kaluar. Së fundmi, ata mirëpritën një tjetër fëmijë përmes një surrogate, një vajzë të quajtur London, në nëntor.