Elda Hoti, deputetja e opozitës së re në Kuvend ka ndarë me ndjekësit e saj lajmin për ndarjen nga jeta të njeriut të shtrenjtë, nënës së saj.
Me një mesazh prekës në Facebook, ajo shpreh dhimbjen e saj dhe mungesën për njeriun e shtrenjtë.
POSTIMI I ELDA HOTIT
Pse m’do fort, se je nana ime.
Pse t’du fort, se jam vajza jote.
Këtë ma mësove që të vogël dhe e thonim bashkë gjithmonë.
Do të kujtoj gjithmonë, si bekimin me të madh në jetën time. Dashuria që më dhurove, duart e tua që më rritën dhe përkedhelën, më bënë kjo që jam sot. Paskëm qënë me fat, që u rrita nga një nënë fisnike si ti. Paskëm qënë me fat, që isha e preferuara jote dhe e babës. Paskëm qënë me fat që Zoti më dhuroj një nënë si ti, që ma mbushi shpirtin plot dashuri dhe mirësi. Prehu në paqe e bukura ime, e mira ime, e shtrenjta ime.
Do më mungosh gjithë jetën nana ime!
