Një ngjarje e pazakontë ka ndodhur në Rimini të Italisë, ku një gjyshe 82-vjeçare ka kërcënuar mbesën dhe të dashurin e saj.
E moshuara kishte lënë një mesazh kërcënues të shkruar mbi një letër në supermarketin ku punonte mbesa.
Në letër shkruhej:
“Do paguaj dy shqiptarë për t’ju vrarë”.
Ky veprim i ka kushtuar shtrenjtë të moshuarës, pasi e reja ka marrë letrën dhe i është drejtuar autoriteteve, duke paditur gjyshen e saj.
Lidhur me letrën kërcënuese ndaj mbesës së saj, 82-vjeçarja do të paraqitet në gjykatë.
Po cili ishte shkaku i ndërmarrjes së këtij veprimi ekstrem nga ana e 82-vjeçares?
Ajo pretendonte se mbesa dhe i dashuri i saj i kanë marrë dy apartamente, që dikur kanë qenë në pronësi të saj.
E moshuara duket se inatin e ka pasur më tepër me të dashurin e mbesës, pasi e akuzonte si mashtrues këtë të fundit.
Çështja ka kaluar në dorën e gjykatës, e cila po procedon rastin e pazakontë.