Sali Berisha nuk tërhiqet nga qëndrimi për shkrirjen e SPAK-ut. Edhe sot nga selia blu tha se nuk do të lejojë asnjë prokurori politike në vend. ”Nuk duhet të bëjmë interpretime jashtë konteksti. Ajo që kam deklaruar se kurrë në qeverisjen e PD, Shqipëria nuk do mund të ketë prokurori politike. Këtë ta ketë të qartë çdo qytetar shqiptar. Prokuroritë politike janë prokurori diktaturash. Shqipëria një vend sovran dhe i pavarur s’do ketë kurrë një prokurori politike”, tha Berisha.
Nga ana tjetër, një koment e ka edhe për audion e seancës gjatë verifikimit të masës së sigurisë për Veliajn, kur thotë se këtë të fundit do ta padisin për mashtrim të rremë të publikut, duke thënë se ndarë procesvebal të falsifikuar kur tha se prokurori i quajti ndyrësirë. Berisha është shprehur se PD është në negociata me aleatët lidhur me kuotën e mandatave që do të përfitojnë në listën e sigurtë.
”Është në negocim e sipër. Sigurisht që aleatët do të kenë kandidatë dhe kjo kuotë është ne negocim e sipër, ka ekzistuar dhe do të ekzistojë ajo, rezultati përfundimtar do të publikohet. Koalicioni bëhet mbi bazën e një rekordi elektoral dhe nuk mund të shkelmohet”, tha Berisha.