Është kërcënuar me jetë Sokol Novaku, ish-shefi i sektorit krimeve në drejtorinë e Elbasanit. Kërcënimi ka ardhur në numrin e tij të celularit. Në mesazhin kërcënues që i kanë dërguar shkruhej: “..Do të bajm ushqim për derra, ty me gjithë familjen, do të djegim të gjallë. Kena për të q* robt, i ke ditët e numërume.”
Deri më tani nuk dihet se nga kush i ka ardhur ky kërcënim, por besohet se ka lidhje me profesionin e tij.
Dy javë më parë Novaku iku nga posti i kreut të Sektorit të Krimeve në Policinë e Elbasanit, dhe në vend të tij u vendos Faik Ruko.
Ndërkohë, Novaku i cili mbante me parë këtë post u transferua në komisariatin e policisë në Gramsh, në të njëjtin pozicion.